អ្នកនាំពាក្យរាជរដ្ឋាភិបាល ៖ ថៃបានធ្វើសកម្មភាពដាក់ទូរកុងតឺន័រ រាយ​បន្លាលួស ដោតទង់ជាតិ និងបានបំផ្លិចបំផ្លាញផ្ទះប្រជាពលរដ្ឋ​ស៊ីវិល​ខ្មែរ គឺជាសកម្មភាពបំពានលើបូរណភាពទឹកដីកម្ពុជា

ចេញផ្សាយដោយ÷ វីស៊ីអេស ធីវី អនឡាញ

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជាបានបញ្ជាក់ថា នៅក្នុងកំឡុងពេលអនុវត្តបទឈប់បាញ់ ភាគីថៃបានធ្វើសកម្មភាព​ដាក់​ទូរកុងតឺន័រ រាយបន្លាលួស ដោតទង់ជាតិ និងបានបំផ្លិចបំផ្លាញផ្ទះប្រជា​ពលរដ្ឋ​​ស៊ីវិល​ខ្មែរក្នុងទីតាំងមួយចំនួនដែលនេះគឺជាសកម្មភាពបំពានលើ​បូរណភាពទឹកដីកម្ពុជា បំពានកិច្ចព្រមព្រៀងដែលបានឯកភាពគ្នា និង​បំពានធម្មនុញ្ញអង្គការសហប្រជាជាតិ។
ដោយឯកឧត្តមបញ្ជាក់ជូនជាថ្មីថា កម្ពុជាមិនទទួលស្គាល់នូវការកែ​ប្រែខ្សែ​ព្រំដែនណាមួយដែលកើតចេញពីការប្រើប្រាស់កម្លាំងនោះ​ឡើយ។ រាជរដ្ឋាភិបាលកម្ពុជាបានធ្វើកំណត់ទូតតវ៉ាយ៉ាងខ្លាំងចំពោះ​បញ្ហានេះទៅកាន់ភាគីថៃ។