ចេញផ្សាយ ថ្ងៃទី22 ខែតុលា ឆ្នាំ 2026
ដោយ÷ វីស៊ីអេស ធីវីអនឡាញ
ខេត្តរតនគិរី៖ នៅវេលាម៉ោង ១១:០៨នាទី ថ្ងៃទី២២ ខែតុលា ឆ្នាំ២០២៦ កម្លាំងសមត្ថកិច្ចជំនាញប្រឆាំងបទល្មើសសេដ្ឋកិច្ច បានស្ទាក់ចាប់រថយន្តម៉ាកកូរ៉េ ទម្ងន់ ២.៥តោន ដែលដឹកជ័រចុងពេញមួយរថយន្ត នៅចំណុចភូមិកាលង ឃុំល្បាំងមួយ ស្រុកលំផាត់ ខេត្តរតនគិរី។
តាមប្រភពព័ត៌មាន លី វណ្ណះព័ត៌មាន ជ័រចុងដែលដឹកជញ្ជូនតាមរថយន្តនេះ ត្រូវបានគេរាយការណ៍ថា ដឹកចេញពីខេត្តមណ្ឌលគិរី ដោយមានគោលដៅឆ្លងកាត់ខេត្តរតនគិរី ឆ្ពោះទៅខេត្តព្រះវិហារ ដើម្បីលក់ធ្វើអាជីវកម្មដែលសង្ស័យថាមិនស្របច្បាប់។
ក្រោយស្ទាក់ចាប់បាន សមត្ថកិច្ចបានប្រគល់រថយន្ត និងជ័រចុងទៅឱ្យមន្ត្រីជំនាញរដ្ឋបាលព្រៃឈើខេត្ត ដើម្បីចាត់ការបន្តតាមនីតិវិធី។
ព័ត៌មានលម្អិតនឹងជម្រាបជូននៅពេលក្រោយ។
ប្រភព៖ លី វណ្ណះព័ត៌មាន
