ចេញផ្សាយ ថ្ងៃទី 16 ខែឧសភា ឆ្នាំ 2026
ដោយ÷ វីស៊ីអេស ធីវីអនឡាញ
(ខេត្តកំពង់ស្ពឺ)÷ដោយបានបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការចង្អុលណែនាំពីលោកឧត្ដមសេនីយ៍ត្រីស្នងការរងផែនការងារនគរបាលព្រហ្មទណ្ឌ កំលាំងអធិការដ្ឋាននគរបាលស្រុកគងពិសី ដឹកនាំដោយលោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជាដឹកនាំអោយកំលាំងផ្នែកព្រហ្មទណ្ឌសហការស្រាវជ្រាវករណីប៉ុនប៉ងលួចមានស្ថានទម្ងន់ទោស (កាប់ប្លន់យកម៉ូតូ) នៅថ្ងៃទី១៣ ខែឧសភា ឆ្នាំ២០២៦ វេលាម៉ោង០១និង១៥នាទីរំលងអាទ្រាធ លើផ្លូវ៤១ ចំណុចភូមិបឹងប្រស្រែ ឃុំព្រៃញាតិ ស្រុកគងពិសី ខេត្តកំពង់ស្ពឺ ឃើញមុខសញ្ញាសង្ស័យមានគ្នា៣នាក់ ជិះម៉ូតូ២គ្រឿងម៉ាកហុងដាសេ១២៥ពណ៌ខ្មៅគ្មានស្លាកលេខដោយមានការសង្ស័យកម្លាំងបានធ្វើការឃាត់សួរនាំជនសង្ស័យបានដកកាំបិតកញ្ចែតបម្រុងកាប់មកលើសមត្ថកិច្ច រីឯជនសង្ស័យបានជិះម៉ូតូរត់គេចរហូតចូលដល់ទឹកដីស្រុកបសេដ្ឋបានសហការជាមួយកម្លាំងអធិការដ្ឋាននគរបាលស្រុកបរសេដ្ឋ ឃាត់បាន២នាក់ ១-ឈ្មោះ អាន ពន្លឺ ភេទប្រុស អាយុ១៧ឆ្នាំ រស់នៅភូមិរកា ឃុំរកា ស្រុកកណ្តាលស្ទឹង ខេត្តកណ្តាល ២-ឈ្មោះ សុខ ភក្តី ភេទប្រុស អាយុ១៦ឆ្នាំ រស់នៅភូមិសេកពង ឃុំលំហាច ស្រុកអង្គស្នួល ខេត្តកណ្តាល បញ្ជូនមកសួរនាំនៅអធិការដ្ឋាននគរបាលស្រុកគងពិសី និង(គេចខ្លួនម្នាក់)។
ចម្លេីយខ្លី : បញ្ជាក់ថាដេីរយប់បបួលគ្នាចេញដើរកាប់ប្លន់តាមផ្លូវ៤១
បច្ចុប្បន្នជនសង្ស័យទាំង២នាក់ម៉ូតូ១គ្រឿងម៉ាកហុងដាសេ១២៥ពណ៌ខ្មៅសេរីឆ្នាំ២០២៦ គ្មានស្លាកលេខ បានកសាងសំណុំរឿងបញ្ជូនទៅការិយាល័យព្រហ្មទណ្ឌនៃស្នងការដ្ឋាននគបាលខេត្តចាត់ការតាមនីតិវិធី៕
📢ចេញផ្សាយដោយ #VCSTVOnline
🌐 http://www.vcstvonline.com.kh
